སྨར་ཚང་བཀའ་བརྒྱུད་ཀྱི་ཀུན་བཟང་ཆོས་ཀྱི་འཁོར་ལོ་བཞུགས་སོ། །

འགྲོ་མགོན་སྨར་ཚང་བཀའ་བརྒྱུད།
 
 སྨར་ཚང་བཀའ་བརྒྱུད་ལོན་སྒྲོན་ཆོས་ཚོགས་ཀྱི་མཆོད་པའི་བཀོད་པ་ཟུར་ཞིག་ཡིན
 འགྲོ་མགོན་སྨར་ཚང་བཀའ་བརྒྱུད་ཀྱི་གདམས་པའི་ཆུ་བོ་གསུམ་ལྡན་གྱི་ཚོགས་ཞིང་ཐང་ཁ་ཡིན།
 
ཀུན་བཟང་ཆོས་ཀྱི་འཁོར་ལོ་བཞུག
སྨར་ཚང་བཀའ་བརྒྱུད་དར་ནས་མི་ལོ་ཧྲིལ་པོ་བརྒྱད་ལྔ་བཅུ་འཁོར་བའི་དུས་དྲན་སྲུང་བརྩེའི་ཉིན་མོ་ནས་ལྟོས་ནས་འགྲོ་མགོན་སྨར་ཚང་བཀའ་བརྒྱུད་ཀྱི་བསྟན་པ་དབྱར་གྱི་མཚོ་ཆེན་བཞིན་དུ་འཕེལ་བའི་རྟེན་འབྲེལ་ཆེད་དུ། སྨར་ཚང་བཀའ་བརྒྱུད་ཀྱི་བསྟན་པའི་བདག་པོ་འགྲོ་མགོན་གངས་རི་ཀརྨ་རིན་པོ་ཆེ་མཆོག་གིས་བརྩམས་པའི་ཀུན་བཟང་ཆོས་ཀྱི་འཁོར་ལོ་འདིར། སྨར་ཚང་བཀའ་བརྒྱུད་ཀྱི་ལྟ་དགོངས་སྤྱོད་གསུམ་ཡོངས་སུ་འདུས་པ་ཞིག་ཡིན།  
 

བྲག་གཡབ་སོགས་ལ་ཤོ་དགོན་གྱི་གནས་ཤུལ་ཡོད་མེད་བསྐོར་བགྲོ་གླེང་།

     བྲག་གཡབ་སོགས་ལ་ཤོ་དགོན་གྱི་གནས་ཤུལ་ཡོད་མེད་བགྲོ་གླེང་དང་འབྲེལ་མ་འོངས་པའི་ལས་དོན་ཇི་ལྟར་བསྒྲུབ་དགོས་པའི་བསྐོར་ཐེ་ཝན་དང་དབྱིན་ལེན་གྱི་ཚོགས་མི་རྣམས་འདུ་འཛོམས་སྐབས་སུ། སྨར་ཚང་བཀའ་བརྒྱུད་ཀྱི་བསྟན་པའི་སྲོག་ཤིང་འགྲོ་མགོན་གངས་རི་ཀརྨ་རིན་པོ་ཆེ་མཆོག་གིས་མཐར་མཇུག་བཀའ་སློབ།




འགྲོ་མགོན་སྨར་ཚང་བཀའ་བརྒྱུད་ཀྱི་གདན་ས་ཐོག་མ་བཀྲ་ཤིས་ཤོ་དགོན་གྱི་གནས་གང་དུ་ཡོད་མེད་ལོ་མང་ཉམས་ཞིབ་བྱས་པའི་གྲུབ་དོན་རྙེད་ཡོད་མེད་བསྐོར་བགྲོ་གླེང་དང་ཚོགས་འདུ་ཚོགས་པའི་རྣམ་པ་ཞིག་ཡིན།
མཐར་མཇུག་ལ། གངས་རི་ཀརྨ་རིན་པོ་ཆེ་མཆོག་གིས་ལམ་སྟོན་གཏམ་བཤད་ཀྱི་ནང་དོན་སྙིང་པོ་ནི།
རིན་པོ་ཆེ་མཆོག་གིས་གསུངས་པ།

སྨར་ཚང་བཀའ་བརྒྱུད་ལོ་རྒྱུས་སྙིང་བསྡུས། །



 
སྨར་ཚང་བཀའ་བརྒྱུད་ནི་སྨར་ཁམས་ཀྱི་ཡུལ་མིང་དང་བཀའ་བརྒྱུད་ཀྱི་ཆོས་མིང་གཉིས་སྦྱར་ནས་ཐོག་པ་ཞིག་ཡིན།  ཕྱི་ལོ་༡༡༦༧་མེ་ཕག་ལོ་ཆོས་རྗེ་སྨར་པས་སྨར་ཁམས་རུ་ཤོད་ཀྱི་ཁྱབ་ཁོངས་འདམ་སྟེང་ལ་དཔལ་བཀྲ་ཤིས་དགོན་པ་ཕྱག་བཏབ་པས་དགེ་འདུན་གཉིས་སྟོང་ནས་རིམ་བཞིན་ཁྲི་ཁ་ལོང་བར་བྱུང་།

སྟག་ཆུང་ཡེ་ཤེས་འགྱུར་མེད་ཀྱི་རྣམ་ཐར།




སྟག་ཆུང་ཡེ་ཤེས་འགྱུར་མེད་ནི་གྲུབ་ཆེན་ཉང་རལ་གོ་ཆས་ལུགས་དོན་ལྟར་བྱས་ན་ཕྱི་༡༨༡༧་མེ་གླང་ལ་ཡུམ་མཁའ་འགྲོ་མ་ལས་སྐུ་འཁྲུངས།

སྟག་ཆེན་ཡེ་ཤེས་རྒྱལ་མཚན་གྱི་རྣམ་ཐར།



སྟག་ཆེན་ཡེ་ཤེས་རྒྱལ་མཚན་ནི་ཕྱི་ལོ་༡༧༣༤་ཤིང་སྟག་ལོ་ཁྱུང་འབུམ་དཔལ་ལེགས་ཚང་གི་ཁྱིམ་དུ་ཡབ་ཉི་མའི་སྲས་སུ་སྐུ་འཁྲུངས།  

རྗེ་ཀ་ཆེན་ཡེ་ཤེས་རྒྱ་མཚོའི་རྣམ་ཐར།




ཀ་ཆེན་ཡེ་ཤེས་རྒྱ་མཚོ་ནི་ཕྱི་ལོ་༡༥༨༧་མེ་ཕག་ལོ་སྨར་ཁམས་ཁྱུང་འབུམ་རྫོང་འགོ་དགོན་པའི་ཉེ་འདབས་སུ་ཡབ་སངས་རྒྱས་དང་ཡུམ་ལྷ་མོ་གཉིས་ལས་སྐུ་འཁྲུངས། བཀྲ་ཤིས་རྒྱ་མཚོ་སོགས་ལ་རབ་ཏུ་བྱུང་བས་མཚན་ཡེ་ཤེས་རྒྱ་མཚོ་གསོལ། 

རྗེ་བྱང་ཆུབ་སེང་གེའི་རྣམ་ཐར།



ཆོས་རྗེ་བྱང་ཆུབ་སེངྒེ་ནི་ཕྱི་ལོ་༡༥༡༠་ལྕགས་རྟ་ལོ་ཟླ་བ་༦་ཚེས་༡་ལ་སྨར་ཁམས་ཁྱུང་འབུམ་ཡུག་པོ་གྲོང་དཔལ་ལེགས་ཚང་གི་ཡབ་བྱམས་པ་རྒྱ་མཚོ་དང་ཡུམ་ཡེ་ཤེས་དབང་མོ་གཉིས་ལས་སྐུ་འཁྲུངས།

རྗེ་དཀོན་མཆོག་རྡོ་རྗེའི་རྣམ་ཐར།




ཆོས་རྗེ་དཀོན་མཆོག་རྡོ་རྗེ་ནི་ཕྱི་ལོ་༡༤༣༧་མེ་སྤྲུལ་ལོ་ཤར་རྒྱལ་མོ་རོང་དུ་ཁང་གསར་ཚང་གི་ཡབ་ཚུལ་ཁྲིམས་དར་རྒྱས་དང་། ཡུམ་ཚེ་རིང་ལྷ་མོ་གཉིས་ལས་སྐུ་འཁྲུངས། དགུང་ལོ་བཅུ་ལ་ཡུམ་འདས།

རྗེ་ཀརྨ་སེང་གེའི་རྣམ་ཐར།


 རྗེ་ཀརྨ་སེངྒེའི་རྣམ་ཐར། 
ཆོས་རྗེ་ཀརྨ་སེངྒེ་ནི་ཕྱི་ལོ་༡༢༤༨ ས་སྤྲེལ་ལོ་རྒྱལ་མོ་རོང་དུ་ནོར་མཛོད་ཚང་གི་ཁྱིམ་དུ་ཡབ་མགོན་པོ་ཚེ་རིང་དང་ཡུམ་སྒྲོལ་མ་ལྷ་མོ་གཉིས་ལས་སྐུ་འཁྲུངས། དགུང་ལོ་བཅུ་གཉིས་ལ་ཡབ་ཀྱིས་བོན་དགོན་ཞིག་ཏུ་བོན་ཆོས་བསླབས་ཀྱང་བསླབ་འདུན་མེད་པས་དབུས་ལ་བྲོས་འགྲོ་དུས་ལམ་ཞོར། 

འགྲོ་མགོན་དཀོན་མཆོག་རྒྱལ་མཚན་གྱི་རྣམ་ཐར།



འགྲོ་མགོན་དཀོན་མཆོག་རྒྱལ་མཚན་ནི་ཕྱི་ལོ་༡༣༦༤་ཤིང་འབྲུག་ལོ་དཔྱིད་ཟླ་༣་པའི་ཚེས་༤་ལ་སྨར་ཁམས་སྦྲ་རིགས་ཀྱི་ཁྱིམ་དུ་ཡབ་བླ་མ་འབུལ་དང་ཡུམ་དཀོན་མཆོག་གཉིས་ལས་སྐུ་འཁྲུངས།  དགུང་ལོ་བཅུ་གསུམ་ལ་ཐུགས་རྗེ་བཟང་པོ་དང་རྒྱལ་མཚན་དབང་འདུས་ལས་རབ་ཏུ་བྱུང་། མཚན་དཀོན་མཆོག་རྒྱལ་མཚན་གསོལ། རྡོ་རྗེ་འབུམ་དང་དཔང་རིན། ཐུགས་བཟང་སོགས་ལས་འདུལ་བ་སོགས་མདོ་གཞུང་ཐམས་ཅད་ཐོས་བསམ་སྒོམ་གསུམ་བྱས་པའི་མཁས་པ་ཆེན་པོ་གྱུར།

སྟོན་པ་ཚུལ་ཁྲིམས་གཞོན་ནུའི་རྣམ་ཐར།




ཆོས་རྗེ་སྟོན་པ་ཚུལ་ཁྲིམས་གཞོན་ནུ་ནི་ཕྱི་ལོ་༡༡༩༧་སྨར་ཁམས་སྟག་ར་འབྲོག་པ་ཡབ་དབང་འདུལ་ཚེ་རིང་དང་ཡུམ་ཡེ་ཤེས་ལྷ་མོ་གཉིས་ལས་མེ་སྤྲུལ་ལོ་ཟླ་བ་༩་ཚེས་བཟང་ལ་སྐུ་འཁྲུངས། དགུང་ལོ་བཅུ་གསུམ་ལ་ཕ་ར་དགོན་དུ་ཞུགས་ནས་མཁན་པོ་ཚུལ་ཁྲིམས་ཉི་མ་ལས་རབ་ཏུ་བྱུང་བས་མཚན་ཚུལ་ཁྲིམས་གཞོན་ནུ་གསོལ།

སྨར་ཚང་བཀའ་བརྒྱུད་ཀྱི་བརྒྱུད་པ་ལ་དོགས་སེལ་ཤེལ་གྱི་མེ་ལོང་བཞུགས་སོ།


                                 འགྲོ་མགོན་སྨར་ཚང་བཀའ་བརྒྱུད།
 
 
འགྲོ་མགོན་སྨར་ཚང་བཀའ་བརྒྱུད་ཀྱི་ཚོགས་ཞིང་བླ་མ་མཆོད་པ་བཞུགས་སོ། །

ཆོས་རྗེ་སྨར་པ་རིན་པོ་ཆེ་ཤེས་རབ་ཡེ་ཤེས་མཆོག་སྐུ་ཆུང་དུས་ནས་བཀའ་གདམས་པའི་དགེ་བཤེས་སྒོམ་རྒྱ་བ་ཤེས་རྒྱལ་མཚན་དང་དགེ་བཤེས་ཤེས་རབ་གྲགས་པ་ལས་རབ་ཏུ་བྱུང་ཞིང་། སྐུ་ན་སོན་དུས་དབུས་སུ་ཕེབས་ནས་བཀའ་གདམས་པའི་གདན་ས་གསང་ཕུ་ནེའུ་ཐང་གི་བཤད་གྲྭའི་ཚད་མ་ལ་མཁས་པ་དགེ་བཤེས་ཕྱྭ་བ་ཆོས་ཀྱི་སེངྒེ་དང་།  དབུ་མ་ལ་མཁས་པ་དགེ་བཤེས་གཙང་ནག་པ་བརྩོན་འགྲུས་སེངྒེ་།  འདུལ་བ་ལ་མཁས་པ་དགེ་བཤེས་བྱ་འདུན་འཛིན་པ་བརྩོན་འགྲུས་འབར་སོགས་བཀའ་གདམས་པའི་མཁས་གྲུབ་མང་པོའི་ཞལ་ལས་ཚད་མ། འདུ་བ། མཛོད། ཤེས་ཕྱིན། དབུ་མ་སོགས་གཞུང་ཆེན་ཁག་ལ་སྦྱངས་པ་མཐར་ཕྱིན་པའི་མཁས་པ་ཆེན་པོར་གྱུར།  རྗེ་ཕག་གྲུ་སོགས་བླ་མ་མང་པོའི་ཞལ་ལས་བཀའ་བརྒྱུད་པ། ས་སྐྱ་པ། ཞི་བྱེད་པ། རྙིང་མ་པ་སོགས་ཀྱི་གསང་སྔགས་ཀྱི་ཆོས་བསྐོར་མང་པོ་གསན་ནས་སྒོམ་སྒྲུབ་བྱས་པས་གྲུབ་རྟགས་ཐོན། 

སྨར་ཚང་ཚོགས་སྡེ་གཉིས་ཀྱི་ལས་རིམ་ངོ་སྤྲོད།

སྤྱིར་གོ་ལའི་སྟེང་དུ་འཚོ་གནས་བྱེད་པའི་རྐང་གཉིས་རྣམས་ཀྱིས་གནའ་རབས་ཀྱི་སྲོལ་བརྒྱུད་ཉམས་པ་སླར་གསོ་དང་མི་ཉམས་རྒྱུད་འཛིན་ཆེད་ལས་འགུལ་སྣ་ཚོགས་སྤེལ་བའི་གོམས་གཤིས་ཡོད་པ་ལྟར། དུས་རབས་ཉེར་གཅིག་པའི་འགོ་སྟོད་འདི་རྩམ་ཟས་བོད་མི་རྣམས་ཀྱང་ཡིད་མུན་སངས་ནས་ལུང་ཕྲན་སོ་སོའི་མེས་པོའི་སྲོལ་བཟང་ཆོས་དང་རིག་གཞུང་ཉམས་གསོའི་ལས་འགུལ་སྤེལ་ནས་འུར་ལང་བཞིན་པའི་དུས་སྐབས་འདི་ལ།  སྨར་ཁམས་ཀྱི་ཡུལ་དུ་སྲོལ་བརྒྱུད་ཀྱི་ཆོས་ལུགས་ཆེས་སྙན་གྲགས་ཆེ་བའི་སྨར་ཚང་བཀའ་བརྒྱུད་ཀྱི་བསྟན་པ་འདི།  ཐོག་མ་སྨར་ཁམས་སུ་སྐུ་འཁྲུངས་པའི་ཆོས་རྗེ་སྨར་པ་ཤེས་རབ་ཡེ་ཤེས་ཀྱིས་སྲོལ་བཏོད།  བར་དུ་སྨར་ཁམས་པ་འགྲོ་མགོན་རིན་ཆེན་དང་རྒྱལ་བ་ཡང་དགོན་པ་སོགས་སྐྱེས་མཆོག་རྣམས་ཀྱིས་བསྟན་པ་འདི་སྨར་ཁམས་གསེར་མོ་ལྗོངས་ནས་ཕྱོགས་མཐའ་ཀུན་ལ་སྤེལ། མཐའ་ཉམས་པ་སླར་གསོ་དེས་ཀྱང་སྨར་ཁམས་པ་ཞིག་དང་སྨར་ཚང་གི་བསྟན་པའི་རྗེས་འཇུག་པ་དག་གིས་གསོ་དགོས་པ་འགན་འཁྲི་ཡིན་པར་མཐོང་སྟེ། 

བཤེས་པའི་སྤྲིངས་ཡིག་བཞུགས་སོ། །


                                  བཤེས་པའི་སྤྲིང་ཡིག་བཞུགས་སོ།།

རྒྱ་གར་སྐད་དུ།སུ་ཧྲི་ད་ལེ་ཁ།བོད་སྐད་དུ།བཤེས་པའི་སྤྲིང་ཡིག །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །

ཕྱག་ཆེན་གངྒ་མ་བཞུགས་སོ། །


གྲུབ་ཆེན་ཏཻ་ལོ་པའི་ཕྱག་རྒྱ་ཆེན་པོ་གངྒཱ་མའི་གཞུང་ས་བཅད་འགྲེལ་པ་དང་བཅས་པ་བཞུགས་སོ།།

དབུ་མ་སྲིད་པ་འཕོ་བ་བཞུགས་སོ།



རྒྱ་གར་སྐད་དུ། །སྦྱ་བ་སཾརྫ་ཀྲཱརྨསྤྲ། བོད་སྐད་དུ། སྲིད་པ་འཕོ་བ།

འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །

སེམས་ཀྱི་ངོ་སྤྲོད་བཅུ་གཅིག་བཞུགས་སོ། །


ཆོས་རྗེ་སྨར་པའི་མགུར།
དུས་གསུམ་སངས་རྒྱས་ཐམས་ཅད་ཀྱི། །
ཐུགས་གཉིས་མེད་པའི་ཡེ་ཤེས་དེ། །
གཞན་སྣང་བཀའ་བརྒྱུད་བླ་མར་བྱོན། །
ལས་ཅན་གདུལ་བྱ་སྨིན་གྲོལ་མཛད། །

སྨར་ཁམས་པ་འགྲོ་མགོན་གངས་རི་ཀརྨའི་རྣམ་ཐར།

              
འགྲོ་མགོན་གངས་རི་ཀརྨ་ལེགས་བཤད་རྒྱ་མཚོ་མཆོག་གིས་སྐུ་ཚེ་ཧྲིལ་པོར་དབེན་པ་གསུམ་ལྡན་གྱི་བྲག་རི་དང་ལྗོན་ཤིང་ཁྲོད་དུ། ནྰ་རོ་པཎ་ཆེན་གྱི་སྙན་བརྒྱུད་དྲོན་མོ་ཆོས་དྲུག་གི་ཕྱག་ཆེན་དང་རྫོགས་ཆེན་ཉམས་བཞེས་མཐར་སོན་ནས་འཇའ་ལུས་ཆོས་སྐུ་མངོན་དུ་གྱུར་ཚུལ་ཟུར་ཙམ་སྨྲོས་ན།

ཞི་གནས་གཉུག་མ་ལྟ་བའི་མེ་ལོང་བཞུགས་སོ། །


 



སེམས་ལ་སེམས་ཉིད་རྩེ་གཅིག་སྒོམ་པ་ལས། །

སེམས་སྣང་སྤྲོས་པ་ཐག་དག་ཞི་གྱུར་ཏེ། །

སྣང་སྲིད་རོ་གཅིག་མྱོང་བའི་ཆོས་ཉིད་ལ། །

སྒོམ་མེད་ཕྱག་ཆེན་རྟོགས་པའི་རྣལ་འབྱོར་པ། །

ཆོས་རྗེ་སྨར་པ་གཙུག་གི་རྒྱན་དུ་བཀུར། །

གྲུབ་ཆེན་གཤའ་པ་ཤེས་རབ་གྲགས་པའི་རྟོགས་བརྗོད།


      
ཨོཾ་སྭ་སྟི། སྐུ་ལྔའི་ངོ་བོ་རྡོ་རྗེ་འཆང་། །ཡོན་ཏན་མཉམ་པ་མ་མཆིས་ཤིང་། །

མོས་གུས་མཚུངས་མེད་བླ་མ་མཉེས། །གདུལ་བྱ་གྲངས་མེད་མྱ་ངན་བཟླས། །

འགྲོ་མགོན་བླ་མ་ཕྱག་འཚལ་འདུད། །ཡོངས་གྲགས་མཚུངས་མེད་གཤའ་པ་དེར། །

གཉུག་མེད་ངང་ལས་མ་གཡོས་ཀྱང་། །འཛམ་གླིང་སེམས་ཅན་དཔལ་དུ་བྱོན། །

༄༅།། སྨར་ཚང་བསྟན་རྒྱས་སྨོན་ལམ།

ཨོཾ་སྭ་སྟི། །བསྟན་པ་གངས་རིར་སྲི་ཞུའི་ཆུ་རྒྱུན་གྱིས། །ཚོགས་གཉིས་རྨད་བྱུང་ཡོན་ཏན་པདྨོ་ལ། །འཕྲིན་ལས་འདབ་རྒྱས་ལམ་བཟང་འཛུམ་བཞད་ནས། །སྐལ་བཟང་བདེ་སྟོང་སྦྲང་རྩིར་རོལ་གྱུར་ཅིག །གཟུང་འཛིན་རྦ་རླབས་བྱིང་རྒོད་འཕྱུར་བ་ཀུན། །གཡོ་མེད་སེམས་མཆོག་ཆུ་བོ་གཅིག་བསྒྲིལ་ཏེ། །ཞི་ལྷག་རྒྱ་མཚོ་ངང་ཚུལ་བསྟེན་བྱེད་ནས། །སྐུ་བཞི་བརྙེས་མཛད་སྨར་ཚང་རྒྱས་གྱུར་ཅིག །མཁས་མང་རྒྱ་མཚོ་རྟོགས་ལྡན་ངང་པའི་ཁྱུ། །སྒོམ་ལྔའི་སྒྲོ་རྒྱས་སྟོང་ཉིད་རླུང་ཤུགས་ཀྱི། །ཡེ་ཤེས་ལྔ་ཡི་མཁའ་ལ་ལྡིང་བྱེད་པའི། །སྨར་ཚང་བཤད་སྒྲུབ་འཛམ་གླིང་ཁྱབ་གྱུར་ཅིག །ཤོ་ཙོམ་ཉི་ཟླ་མུན་སེལ་ཟུང་གཅིག་སྲོལ། །དུས་ཀྱི་དབང་གིས་ནུབ་ཏུ་གཤེགས་གྱུར་ཀྱང་། །སླར་གསོ་འདུན་སྡེ་སྐྱ་རེངས་མྱུར་ཤར་ནས། །མཁས་གྲུབ་ཉིན་བྱེད་རིང་ལུགས་གསལ་གྱུར་ཅིག །ཡེ་ཤེས་སྤྱན་ལྡན་སྨར་ཚང་ཆོས་སྲུང་ཀུན། །གཡེང་དུས་ལས་བཞེངས་བསྟན་དགྲ་ཚར་གཅོད་ནས། །བསྟན་འཛིན་སྦྱིན་བདག་མངའ་ཐང་མྱུར་རྒྱས་ཏེ། །བཀྲ་ཤིས་སྙན་གྲགས་སྲིད་གསུམ་ཁྱབ་པར་མཛོད། ཅེས་སྨར་ཚང་བསྟན་རྒྱས་སྨོན་ལམ་འདི་གངས་རི་ཀརྨ་ཆོས་ཀྱི་རྒྱལ་མཚན་གྱིས་ཕྱི་ལོ་༢༠༠༩་ཕྱི་ཟླ་༦་ཚེས་༢༣་དབྱིན་ལེན་གྱི་རྦུ་རེ་ཐིན་དུ་བྲིས་སོ།